مہموز کی قواعد

 مہموز کے قواعد

    اگر کلمہ میں ایک ہمزہ ہو تو اس کی تخفیف جائز اور اگر د وہمزہ ہوں تو اس کی تخفیف واجب ہوتی ہے ۔

”جوازی تخفیف کے قواعد”

قاعدہ (۱):

   اگرہمزہ مفتوحہ سے پہلے ضمہ ہو تو ہمزہ کو واؤ سے اور کسرہ ہو تو یاء سے بدلنا جائز ہے ۔ جیسے: سُؤَالٌ سے سُوَالٌ اور مِئَرٌ سے مِیَرٌ۔

قاعدہ (۲):

   ہمزہ متحرکہ ہو اور ا س کا ما قبل حرف صحیح ساکن ہو تو ہمزہ کی حرکت ما قبل کو دے کر اسے حذف کرناجائز ہے ۔ جیسے: یَسْئَلُ سے یَسَلُ اورقَدْ اَفْلَحَ سے قَدَ فْلَحَ۔

تنبیہ:

راٰی، یَرَی     اور رؤیۃ کے تمام افعال میں یہ قاعدہ وجوبی طورپر استعمال ہوتاہے۔ البتہ ان کے اسمائے مشتقہ جیسے :مَرْأًی(اسم ظرف ومصدر )، مِرْأٰ ۃٌ(اسم آلہ)،مَرْاِیٌّ(اسم مفعول) وغیرہ میں اس قاعدہ کااستعمال محض جوازی ہے وجوبی نہیں۔

قاعدہ (۳):

   ہمزہ ساکنہ کواس کے ما قبل حرف کی حرکت کے مطابق حرف علت سے بدلنا جائز ہے۔ جیسے: دَأبٌ سے دَابٌ، بِئْرٌ سے بِیْرٌ اورلُؤْمٌ سے لُوْمٌ۔

قاعدہ (۴):

  جب ہمزہ سے قبل واؤ مدہ زائدہ یا یاء مدہ زائدہ یا یائے تصغیر آجائے تو ہمزہ کو ما قبل حرف کے ہم جنس کرنا جائز اور پھر دونوں کا ادغام کرنا واجب ہے ۔ جیسے: مَخْطُوْئَۃٌ سے مَخْطُوْوَۃٌ پھر مَخْطُوَّۃٌ، خَطِیْئَۃٌ سے خَطِیْیَۃٌ پھر خَطِیَّۃٌ، اُفَیْئِسٌ اُفَیْیِسٌ پھر اُفَیِّسٌ۔

قاعدہ (۵):

  اگر متحرک حرف کے بعد ہمزہ متحرکہ ہوتو اس کو بین بین قریب اور بین بین بعید دونوں طریقوں سے پڑھنا جائز ہے۔بین بین پڑھنے کو”تسہیل”بھی کہتے ہیں۔

تنبیہ:

  ہمزہ کواس کے اپنے مخرج اور اس کی حرکت کے موافق حرف علت کے مخرج کے درمیان سے پڑھنا”بین بین قریب ”، اور ہمزہ کو اس کے اپنے مخرج اور ماقبل حرف کی حرکت کے موافق حرف علت کے مخرج کے درمیان سے پڑھنا”بین بین بعید”کہلاتا ہے۔ مثلاً :سَئَلَ میں بین بین قریب اور بعید ایک ہی ہے وہ ہمزہ کو اس کے اپنے مخرج اور الف کے مخرج کے درمیان پڑھناہے؛ کیونکہ ہمزہ بھی مفتوح ہے اور اس کا ماقبل بھی مفتوح ہے۔

  اورسَئِمَ میں ہمزہ کواس کے اپنے مخرج اوریاء کے مخرج کے درمیان پڑھنابین بین قریب ہے ، جبکہ ہمزہ کواس کے اپنے مخرج اور الف کے مخرج کے درمیان پڑھنابین بین بعید ہے ۔

  اور لَؤُمَ میں ہمزہ کو اس کے اپنے مخرج اور واؤ کے مخرج کے درمیان پڑھنا بین

بین قریب ،جبکہ ہمزہ کو اس کے اپنے مخرج اور الف کے مخرج کے درمیان پڑھنا بین بین بعیدہے۔

قاعدہ (۶):

  اگرہمزہ پر ہمزہ استفہام داخل کریں تو دوسرے ہمزہ کو ایسے حرف سے بدلناجس سے تخفیف پیدا ہو ۔جیسے : أَ أَ نْتُمْ کو أَ وَ نْتُمْ پڑھناجائزہے ۔نیزاسے بطور تسہیل (بین بین قریب یابعید)پڑھنا ، اور دونوں ہمزوں کے درمیان الف متوسط لانابھی جائز ہے۔جیسے: آءَ نْتُمْ۔

وجوبی تخفیف کے قواعد  

قاعدہ (۲):

  اگر دو ہمزہ ایک ساتھ آجائیں اور ان میں سے ایک مکسور ہو تو دوسرے ہمزہ کو یاء سے بدلنا واجب ہے ۔جیسے:جَآءٍ اصل میں (جَاءِیٌ) تھا ”ی”الف زائدہ کے بعد واقع ہوئی تو اسے ہمزہ سے بدل دیا۔ جَآءِ ءٌ ہوگیا ،اب دوہمزہ ایک ساتھ آئے جن میں ایک مکسور تھا لہذا دوسرے ہمزہ کو ”ی”سے بدل دیا۔ (جَآءِیٌ)ہوگیا ، اب ”ی”پر ضمہ ثقیل ہونے کی وجہ سے (ی)کو ساکن کردیا تو جَآءِ یْنْ ہوگیا ،پھر اجتماع ساکنین کے سبب (ی)کو گرادیا ؛ لہذا (جَآءٍ)ہوگیا۔

قاعدہ (۳):

  جب دو ہمزہ ایک ساتھ آئیں اور دوسرا ہمزہ وصلیہ اور مفتوحہ ہو تو اسے الف

سے بدلنا واجب ہے ۔ جیسے: ءَ اَلْحَسَنُ سے اٰلْحَسَنُ، اور ءَ اَلاٰنَ سے اٰلْاٰنَ۔

قاعدہ (۴):

  جب دو ہمزہ ایک ساتھ آجائیں اور ان میں سے پہلا ساکن ہو تو دوسرے ہمزہ کو (ی)سے بدلنا واجب ہے ۔ جیسے: قِرَئْءٌ سے قِرَئْیٌ۔

قاعدہ (۵):

  ا گر دو ہمزہ اکھٹے آجائیں اوران میں سے کوئی بھی مکسور یا ساکن نہ ہو اور نہ ہی پہلا ہمزہ متکلم کا ہو تو دوسرے ہمزہ کو واؤ سے بدلنا واجب ہے ۔جیسے: اَءَ ادِمُ سے اَوَادِمُ اور اَءَ ادِبُ سے اَوَادِبُ۔

قاعدہ (۶):

  اگر ہمزہ مَفَاعِلُ کے الف کے بعداور یاء سے پہلے واقع ہو تو اسے یاء مفتوحہ سے بدلتے ہیں۔جیسے:خَطَایَا اصل میں خَطَایِءُ تھا ؛ یاء الف جمع کے بعد اور ہمزہ سے ماقبل واقع ہوئی اسے ہمزہ سے بدلاتوخَطَاءِءُ ہوگیا ، دو ہمزہ جمع ہوگئے اور ان میں سے ایک مکسور تھا، لہذا دوسرے کو (ی)سے بدل دیاتو خَطَائِی ُہوگیا ،اب مذکورہ قاعدے کے مطابق ہمزہ کو (ی)مفتوحہ سے بدلا خَطَایَیُ ہواپھر دوسری (ی)کو الف سے بدلاتوخَطَایَا ہوگیا ۔

تنبیہ:

  (۱)۔۔۔۔۔۔کُلْ، خُذْ اور مُرْ اصل میں اُءْ کُلْ، اُءْ خُذْ اور اُءْ ُمرْ تھے ،قا عد ہ نمبر ۱ کے مطابق اُوْکُلْ، اُوْخُذْ اور اُوْمُرْ ہونا چاہیے تھا ،لیکن کثرت استعمال کی وجہ سے  دوسرے ہمزہ کو گرادیا ، پھر ہمزہ وصلیہ کی ضرورت نہ رہی ؛ لہذا اسے بھی گرا دیا تویہ کُلْ ، خُذ اور مُرْ ہو گئے ۔

  (۲)۔۔۔۔۔۔ مُرْ اگر درمیان کلام میں واقع ہو تو اس کے دوسرے ہمزہ کو باقی رکھا جائے گا